Abuztuaren 21ean, 8 bazkideko talde bat Logroñoko La Grajera parkera joan ginen, goiza urtxintxei argazkiak ateratzeko ideiarekin.
Egunak ez zuen erabat lagundu argazkigintzan: ale gutxi ikusi genituen, nagitxu zeuden eta urteko beste garai batzuetan baino ilaje estuagoa zuten.
Hala ere, pazientziari eutsi genion, eta enkoadraketak hurbiletik lortzeko, intxaurrak eskuan hartuta erakartzen saiatu ginen, kamerari begirada finko hori lortzeko. Azkenean argazki apain batzuk lortu genituen, eta Errioxan geundela, ezin bestela izan, irteerari amaiera eman genion ardo batzuk partekatuz eta taldean giro onaz gozatuz.
